Search



Search
« Back to list

Movie Days

[This text is not available in English]
Filmsdagar í Felag   Á triðja sinni skipar Filmsfelagið fyri Filmsdøgum í Felag í Havnar Bio. Tiltakið, sum er í døgunum 20.-24. september, er í ár bygt út við Barnabio og Eldrabio.   Fimm kvøld á rað verða nýggir altjóða filmar frumsýndir í høli 1.   Teir eru hin svenski KEMPAN (Jätten, Johannes Nyholm 2016), amerikanski heimildarfilmurin CITY OF GHOSTS (Matthew Heineman 2017), bretski TULIPANFEPUR (Tulip Fever, Justin Chadwick 2017), finski LJÓS Í MYRKRI (Toivon tuolla puolen, Aki Kaurismäki 2017) og hin eysturríkski filmurin STEFAN ZWEIG: FARVÆL EVROPA (Vor der Morgenröte - Stefan Zweig in Amerika, Maria Schrader 2016).   Filmarnir eru nærri lýstir á Facebookprofilinum hjá Filmsfelagnum og á heimasíðuni hjá Havnar Bio. Har verður eisini upplýst, hvør fer at innleiða sýningarnar.   Vanligi prísurin at síggja ein film, er 90 krónur. Men verða atgongumerki til allar fimm filmarnar keypt í senn við skivuna í biografinum, so er samlaði prísurin 300 krónur. Havnar Bio letur upp klokkan 14.  

Eldrabio
  Somu dagar, men fyrr um dagin, verða tríggir eins nýggir filmar sýndir í høli 1 undir heitinum ELDRABIO. Tað eru nýggir filmar, ið viðgera familjuvirði og trupul viðurskifti millum ættarlið.   Filmarnir eru hin nýsælandski PATRIARKURIN (Mahana, Lee Tamahori 2016), japanski EFTIR ILLVEÐRIÐ (Umi yori mo mada fukaku, Hirokazu Koreeda 2016) og hin nýggi filmurin hjá danska Erik Clausen, ALDRIG MERE I MORGEN (2017). Filmarnir eru nærri lýstir á Facebook profilinum hjá Filmsfelagnum og á heimasíðuni hjá Havnar Bio.   Vanligi prísurin at síggja ein film, er 90 krónur. Men verða atgongumerki til allar tríggjar filmarnar keypt í senn við skivuna í biografinum, so er samlaði prísurin 180 krónur. Havnar Bio letur upp klokkan 14.  

Barnabio
  BARNABIO vísur í somu døgum tveir nýggjar filmar í høli 1 og høli 2 í Havnar Bio.   Teir eru Pixar filmurin CARS 3 í 3D (2017) og THE LEGO NINJAGO MOVIE (2017). Til hesar báðar animatiónsfilmar, sum verða sýndir fleiri ferðir, bæði í høli 1 og í høli 2, í 2D og í 3D og á donskum og enskum, er atgongumerkjaprísurin 90 krónur til hvørja sýning.   

Øll skráin sæs her

Price

300.00 DKK

When and where

Date

20. September - 24. September 2017

Where

Havnar Bio

Address

Tonghúsvegur 8

Zip code

100

City

Tórshavn

Share event

Map